BIBLIOAPONTE

O non aniversario de Mafalda

2012-03-15T20:58:00.000+01:00

Resulta que onte día 14 non foi o aniversario dos 50 anos do nacemento de Mafalda... Varios medios de comunicación difundírono por mor dun malentendido que se explica na páxina oficial do seu creador Quino.

Na seguinte imaxe tedes a explicación, se facedes clic nela, ides á páxina oficial de Quino.

Porén, non esquezades que as simpáticas viñetas protagonizadas por esta rapariga son sempre un fermoso agasallo para coidar do noso humor... Desfrutádeas!

REDEIRAS: Nova rede social para o profesorado

2012-03-15T09:00:00.000+01:00

Nace REDEIRAS, unha nova rede social para o profesorado galego. Para entrar clicade na ligazón deste artigo ou na imaxe que tedes á dereita do blog. Só tendes que poñer o voso nome de usuario do correo da Xunta e o mesmo contrasinal. Unha vez que entredes tedes a posibilidade de subir o voso material, crear un grupo, ou ver que se coce noutros centros ou o que publican os compañeiros... moi pero que moi util.

Deixámosvos aquí un vídeo promocional con toda a información necesaria. Esperamos que vos sexa útil.

Untitled from Pablo Gulín on Vimeo.

Mafalda

2012-03-14T12:01:00.000+01:00

Hoxe, Mafalda, a doce e irreverente rapaza, celebra o seu 50.º aniversario. Sempre preocupada e consciente dos problemas mundiais, seguirá sendo un baluarte de compromiso e rebeldía ante ás inxustizas...

Na biblio podedes atopar varios tebeos entre eles.....

Déjenme inventar

¡ A mi no me grite!

MAFALDA 5 (Tiras de Quino)

Tíbet: Entre o esquecemento e a memoria

2012-03-13T13:33:00.000+01:00

Ás vecesesquecemos os fermosos libros que temos na biblioteca, e por iso sacamos hoxeun exemplar de luxo: Tíbet:entre elolvido y la memoria de Tizziana y Gianni Baldizzone.

Temos diante denós unha especie de álbum de fotos da alma dese país, pequenos textos queexplican o significado da cultura e do pobo tibetano introducidos por citas queexpoñen unha visión poética pero taménpolítica da súa situación actual .

É sobre todo unha homenaxe ao pobotibetano e a paisaxe na que vive.

Interesado nas matemáticas?

2012-03-12T09:00:00.000+01:00

Estudantes, profesores , centros e afeccionados. Todos osque esteades interesados minimamente nas matemáticas, tedes un novo espazo enforma de rede social: Sangakoo.

Sangakoo é unha plataforma dedicada asmatemáticas, pero na que atopas retos, podes subir materiais de estudo, facerpreguntas ou ben servirte de todos os recursos que van aparecendo no sitio web.

Isto da Web 2.0 é unha tolemia superútil.

Día da Muller: Exposición no instituto.

2012-03-08T18:29:00.000+01:00

As profesoras e bedeis do IES de Ponteceso transfórmanse neste día en mulleres que loitaron polos seus dereitos nun mundo masculino, sufrindo a falta de voz e proxección polo simple feito de ser muller.

Open publication - Free publishing

Os alumnos do PCPI baixaron na súa clase de comunicación lingüística para tomar notas da exposición e posteriormente realizar un debate sobre as mulleres representadas.

PCPI no Día da Muller on PhotoPeach

DÍA INTERNACIONAL DA MULLER

2012-03-08T09:00:00.000+01:00

O Día Internacional da Muller é un recordatorio anual dunha loita pola igualdade moi avanzada no noso mundo pero aínda moi perdida noutros.

Dende a nosa biblioteca lanzamos unha emotiva homenaxe a todas as mulleres…

Cun CADRO da pintora danesa Anna Ancher (1859-1935): “Mestra e alumnos”

Cun POEMA da escritora chilena e premio Nobel de literatura Gabriela Mistral ( 1887-1957): “La tierra y la mujer”.

Mientras tiene luz el mundo

y despierto está mi niño,

por encima de su cara,

todo es un hacerse guiños.

Guiños le hace la alameda

con sus dedos amarillos,

y tras de ella vienen nubes

en piruetas de cabritos...

La cigarra, al mediodía,

con el frote le hace guiño,

y la maña de la brisa

guiña con su pañalito.

Al venir la noche hace

guiño socarrón el grillo,

y en saliendo las estrellas,

me le harán sus santos guiños...

Yo le digo a la otra Madre,

a la llena de caminos:

"¡Haz que duerma tu pequeño

para que se duerma el mío!".

Y la muy consentidora,

la rayada de caminos,

me contesta: «¡Duerme al tuyo

para que se duerma el mío!».

Cun LIBRO da escritora galega Teresa Moure (1969): “Herba Moura”

E cunha CANCIÓN do cantante John Lennon (1940-1980): “Woman is the Nigger of the world”

Impresionante Letra

Cartas premiadas

2012-03-07T09:00:00.000+01:00

Velaquí tedes as cartas premiadas no I Concurso de Cartas de Amor e Desamor convocado pola biblioteca e Normalización para o día dos namorados. Paga a pena lelas, só dicir que corren moitos ventos de desamor… ai, eses corazóns…

Open publication - Free publishing - More cartas

Parabéns Ponteceso!!!

2012-03-05T12:02:00.000+01:00

Congratúlanos enormemente comunicarvos que o Centro Virtual Leer.es do Ministerio de Educación vén de concedernos o selo “Buena Práctica Leer.es” deste mes polo noso Itinerario Lector de Centro, elaborado pola biblioteca e difundido no noso blog.

Dende o equipo que traballa na biblioteca aproveitamos para dar as grazas a todo o centro polo voso apoio e animarvos a seguir traballando a prol dun proxecto común de boas prácticas de lectura.

Ánimo a tod@s, que imos por bo camiño!!!

Podedes ver a mención no blog de Leer.es

"Xogoblog" sobre Rosalía

2012-03-02T09:00:00.000+01:00

Xa estamos aquícon outro xogo sobre unha das exposicións da biblioteca, a do 175 aniversariodo nacemento da nosa insigne autora:

Rosalía de Castro

A mecánica doconcurso é a de sempre: Vén á biblio e contesta as seguintes preguntas, na casa de "contacto"

- Cantospoemas hai no taboleiro da exposición?

- Conque nome asinaba Rosalía?

- Debaixoda foto de Rosalía hai unha cuberta dun libro seu. Cal? Está tamén entre oslibros expostos?

- Dequé editorial é?

- Le abiografía. Cando foi declarado o 17 de maio como o Día das letras Galegas ?
Por suposto, os 3 primeiros acertantes terán o seu pequeno agasallo por parte da biblioteca.

Teatro en Inglés

2012-02-29T19:46:00.001+01:00

O pasado luns asistimos un ano máis a unha representación teatral realizada por un grupo británico “CLEVER PANTS” que nos ofreceu unha simpática historia “Three in One” baseada en tres xéneros clásicos: unha traxedia do século XVII, un melodrama do século XIX e unha aventura do século XX .

“A drama, a romance and a thriller with a large dose of humour”

Aquí tedes a reportaxe fotográfica:

Día de Rosalía: vídeo e fotos

2012-02-27T21:14:00.000+01:00

Presentámosvos o video da rolda de lecturas que fixeron os alumnos de 4º de ESO. Emotivas lecturas e emotiva a voz de Estela.

E aquí tedes unha reportaxe fotográfica de todo o evento que foi amenizado con poemas musicados de Rosalía.

ENTREGA DOS PREMIOS DAS CARTAS DE AMOR E DESAMOR

2012-02-26T11:02:00.003+01:00

Entrega dos premios das "Cartas de amor e Desamor", concurso literario de San Valentín organizado polo departamento de Dinamización Lingüística e a biblioteca

As gañadoras foron:
Na categoría da ESO:
1º premio para Hilda Romero de 1º de ESO.
2º premio para Zaira Villar de 3º de ESO.
Na categoría de Bacharelato e ciclos:
1º premio para Eva Vázquez de 2º de Bacharelato.
2º premio para Uxía Varela de 2º de Bacharelato.
Na foto as gañadoras dos diferentes premios.

NORABOA A TODAS!!!

Día de Rosalía

2012-02-23T20:03:00.000+01:00

Mañá 24 de febreiro celebraremos xunto con moreas de bibliotecas públicas e centros culturais o Día de Rosalía para conmemorar o 175 aniversario do nacemento da nosa autora máis universal. No marco dese evento a nosa biblioteca presenta unha sesión de lecturas dalgúns dos seus poemas amenizados por músicas de varios autores . A todos os que se acheguen a ler algún poema entregarémoslle un caravel como agasallo.

Aquí tedes o programa de actividades:

Open publication - Free publishing - More cartel

O Entroido no instituto

2012-02-21T21:39:00.001+01:00

Unha mostra do que se fixo no festival de Entroido deste ano no instituto. Moita imaxinación e moito humor!!!

Enrugas

2012-02-20T17:57:00.000+01:00

Na cerimonia dos Goya de onte viuse premiado o filme baseado no cómic do mesmo título do autor valenciano Paco Roca (Premio Nacional de Cómic en 2008). Sentímonos dobremente felices, en primeiro lugar porque a película é froito dunha produtora coruñesa: Perro Verde Films da man do tamén coruñés Ángel de la Cruz e, en segundo lugar, porque se fala dun xeito tan emotivo desta lacra do século XX, o Alzheimer, nunha historia chea de lembranzas e esquecemento que paga a pena ler. Pronto a teremos na biblio.

Aquí tedes o Tráiler da película.

Molière e o Entroido

2012-02-17T09:30:00.000+01:00

Molière no papel de César en
La muerte de Pompeo, por Nicolas Mignard (1658).

Nun día como o de hoxe no que celebramos o Entroidono instituto, vénnos á memoria un autor teatral francés universalmentecoñecido: Molière.

É raro que recomendemos pezas teatrais peroneste tempo de “Don Carnal”, non deixamos pasar a oportunidade de recomendarvoscalquera obra deste xenial escritor, autor de farsas e comedias nas que loitabacontra as hipocrisías do seu tempo mediante unha retranca moi fina: o eterno Entroido do ser humano.

Na biblio temos unha das súas mellores obras:O enfermo imaxinario.

Pero se o que vos chama é iso da loita entre "Don Carnal e Dona Coresma", non tedes máis que ir a o capítulo dedicado a talespersonaxes no Libro de Buen Amor do Arcipreste de Hita, para aprender que é isodas Carnestolendas… Alguén se atreve?? Deses temos uns cantos exemplares.

Como facer máscaras e caretas de entroido

2012-02-15T09:00:00.000+01:00

Xa o temos case enriba.

Por si alguén aínda non ten claro o seu disfrace, o equipo de Normalización facilítanos o traballo: tomade nota destas instrucións para fabricar ata 25 modelos.

Nós tamén estamos namorados… da lectura

2012-02-14T09:00:00.000+01:00

Darío Xohán Cabana

CONCURSO DE COPLAS DE ENTROIDO

2012-02-13T09:00:00.000+01:00

O IES de Ponteceso organiza un concurso de disfraces e coplas de entroido. Os participantes deberán compoñer unha copla que faga referencia ao disfraz que leven. Haberá categorías individual e de grupo. Se queredes participar tedes que anotarvos en vicedirección. Da vosa participación depende o éxito do concurso.

Ánimo e ... a facernos rir!!!

“Xogoblog” dobre Dickens

2012-02-09T18:59:00.000+01:00

Continuamos con esta rolda de “xogoblogs”,esta vez dedicado a Dickens.

Tedes que achegarvos á biblio para botarlle unha ollada á pequena exposiciónsobre o célebre autor británico.

Trátase de emparellar aos heroes e viláns coascorrespondentes portadas de onde proceden os personaxes.

Podedes facelo a man (as "chuletas" están na páxina de RECURSOS á dereita do blog) ou con este XOGO
Seredes quen de facelo???

Enviade as vosas respostas ao correo decontacto.

Os máis rápidos levan premio!!!

Happy 200th Birthday, Mr. Dickens!

2012-02-07T09:00:00.000+01:00

Posiblemente Charles Dickens sexa o autor en lingua inglesa máis lido despois de Shakespeare. O seu éxito radicou en ser algo así como un dos creadores da novela social na que plasmar con todo realismo unha sociedade tremendamente clasista e na que, entre outras cousas, os nenos eran tratados sen piedade. Alguén dixo del que era a “conciencia victoriana

O Departamento de Inglés do noso instituto máis a nosa biblioteca súmanse a esta celebración con exposicións, xogos, proxeccións de vídeos…

Aquí deixámosvos un vídeo realizado pola BBC que nos presenta a vida do famoso autor dun xeito moi ameno e que , quizais nos axude a comprender o porqué da temática das súas obras.

Na biblio temos:

A segunda Gioconda

2012-02-05T11:10:00.000+01:00

Estes días saíu unha nova en todos osperiódicos sobre a aparición dunha copiada Gioconda feita por un dos discípulos de Leonardo da Vinci.

O que nos chama poderosamente a atención é quea copia, que leva no Museo do Prado toda a vida, e despois da minuciosa restauración feita nopropio museo, ten unha calidade extraordinaria, tanto é así que parece moitomáis fermosa que a peza orixinal.

E vós, que pensades?

Si que che gusta ler ( pero se cadra non o sabes)

2012-02-02T19:38:00.000+01:00

Queres gañar un "e-reader"?

Pois esta simpática campaña de fomento de lecturado Ministerio de Educación ofréceche a oportunidade.

Só tes que decidirte por unha destas dúasopcións ( pica no recadro que máis che guste), segue as instrucións… e SORTE!!

La fórmula preferida del profesor

2012-02-01T09:00:00.000+01:00

Yoko Ogawa é unha escritora xaponesa á que llegusta traballar os aspectos máis sutís da psicoloxía humana e nesta deliciosa novelacoa que a autora adquiriu fama internacional consígueo de cheo. Tanto é así queUxía, alumna de bacharelato, recoméndanos o libro con esta pequena crítica.

Como te sentirías se a túa memoria só retiveseos últimos oitenta minutos da túa vida? Como te sentirías se cada horacomezaras unha nova existencia? Como poderías sobrevivir se para lembrar o quefixeches a hora do almorzo tiveras que levar o corpo cheo de anotacións? Poisiso é o que lle pasa ó protagonista desta optimista novela. A historia podeparecer a priori de ciencia ficción pero segundo afondas nas súas páxinasdescobres que con amor sempre hai esperanza. Merece a pena lela, quizais nonsexa unha historia tan surrealista, tal vez non estea tan lonxe do que lle pasaa milleiros de persoas en España que sofren alzheimer.

Día escolar da PAZ e a Non-violencia

2012-01-30T09:00:00.000+01:00

Curiosamente celebramos o Día da Paz o día no que se realizou un terrible asasinato: o do líder indio Mohandas Karamchand Gandhi, máis coñecido como “Mahatma” que quere dicir “gran alma”.

Conmemoramos a súa morte porque Gandhi é o símbolo mundial da non- violencia. No seu paso pola política do seu país introduciu a ética a través do exemplo, viviu na máis absoluta pobreza, xamáis lle concedeu prebenda algunha a familiares pola súa posición política, defendeu aos débiles e endexamáis levantou a súa voz a favor das armas, polo contrario, favoreceu a resolución de conflitos de xeito pacífico. E por iso morreu.

Gandhi
de F.W. Rawding

Me llamo...Gandhi da
editoroial Parramón

Ademais dos libros que podedes encontrar na biblio deixamos aquí pegada da súa vida cun magnífico documental biográfico, pero tamén vos ofrecemos un programa de actividades que podedes coñecer premendo no pequeno cartel que tedes á dereita co nome de DÍA DA PAZ.

“Xogoblog” pola paz

2012-01-29T18:19:00.000+01:00

Inauguramos hoxe oficialmente o que será unhaserie de xogos no noso blog que estarán baseados ou en exposicións elaboradaspola biblioteca , en xogos de palabras (como o das greguerías do 19 de xaneiro) ou ben en xogos de busca na rede. O obxectivo evidente éa implicación máxima do alumnado en todas as actividades fomentadas polabiblio, pero tamén que pasedes un bo rato e se ,de paso, aprendedes algo pois…máis que mellor.

Nesta ocasión presentamos un xogo de preguntas que teredes que respostarvisitando a exposición de “Libros pola Paz” que temos no corredor, ao carón dabiblio.

Unha vez que teñades claras as respostas,mandádeas utilizando a pestana de “Contacto” que tendes na parte superiordereita do blog. Así de sinxelo.

Haberá agasallos para as 3 primeiras respostascorrectas que cheguen ao noso correo.

Estas son as preguntas.

1- En cantos idiomas está escrita apalabra PAZ ?

2- Hai unha obra escrita por unhaautora nixeriana. Como se chama a novela e de que vai?

3- De que cidade é Asmir, o rapaz quenon quería Pistolas?

4- Dáme 3 títulos de obras que falanda Guerra civil

5- Hai un libro sobre un político moifamoso especialmente na 2ª Guerra Mundial. Como se chama?

Mozart cumple anos

2012-01-27T09:00:00.000+01:00

Xa hai moitos anos que Wolfgang Amadeus Mozart deixou de cumplir anos, evidentemente, pero é que o xenial músico austríaco nacía tal día como hoxe no ano 1756 e non podemos deixar de aproveitar esta data para lembrarvos que na biblioteca , na sección de CDs tendes unha magnífica colección de gravacións de diferentes obras deste irrepetible autor na colección “Masters Classics”.

Pero se o que vos gusta é saber un pouco máis da súa azarosa vida e misteriosa morte nada mellor que levar a casa algúns destes títulos que vos propoñemos:

Me llamo…Mozart da editorial Parramon

Mozart y su época de Francesco Salvi

Ou Mozart, el pequeño gran músico da editorial El Rompecabezas.

Por último, un pequeno vídeo para gozar dunha das súas pezas máis coñecidas : Eine kleine Nachtmusik

I Concurso de Cartas de Amor

2012-01-26T19:47:00.000+01:00

A biblioteca xunto co Departamento de Normalización Lingüística ven de organizar unha actividade de escritura para celebrar o Día dos Namorados, nada menos que un concurso de cartas de amor ou desamor dirixida a todo o alumnado que queira dese xeito deixar voar os seus sentimentos...

Aquí tedes as bases.

Open publication - Free publishing

Lecturas pola Paz

2012-01-25T19:09:00.000+01:00

Celebramos a paz cunha pequena guía de lecturas que nos falan da tolemia das guerras. As recomendacións están clasificadas por niveis, en galego e en castelán, pero lembrade que tendes moitos máis libros expostos no corredor.

Open publication - Free publishing - More guia lectura

Salvador Dalí

2012-01-23T09:00:00.000+01:00

Un 23 de xaneiro de 1989 morría un dos artistas españois máis significativos dentro do panorama mundial. Falamos de Salvador Dalí (1904-1989), pintor, escultor, escritor, e cineasta que foi, sen ningunha dúbida un dos persoeiros máis exhibicionistas e excéntricos do século XX.

Presentamos aquí un marabilloso libro co que contamos na biblioteca co sinxelo título de DALÍ de Robert Descharnes, amigo íntimo do pintor durante máis de 30 anos. Nel atoparedes ao “infame surrealista” cheo de color e as súas imaxes máis provocativas .

Non vos perdades tampouco este documental que versa sobre a vida e obras do xenial artista catalán: Dimensión Dalí.

Unha GREGUERÍA?

2012-01-19T21:39:00.000+01:00

Foto cinematográfica
Ramón Gómez de la Serna.
Ano 1923

Non, non é unha palabrota aínda que o pareza, é unha especie de xogo de palabras que inventou un escritor e periodista chamado Ramón Gómez de la Serna (Madrid 1888- Bos Aires, Arxentina 1963). Don Ramón inventou unha forma de describir as cousas que el mesmo describiu como “metáfora+humor”: Foi periodista, escritor vangardista e moitas máis “istas” mais se picades no debuxo da esquerda entraredes no

máxico mundo das greguerías.

Seriades quen de completar as seguintesgreguerías?

La gallina está cansada de denunciar en la comisaría que le roban los ............

Lo peor del loro es que quiere hablar.....................

Cuando el armario está abierto parece que la casa ...................

La primavera, como los niños, empieza siendo rubia y acaba siendo.................

El escritor quiere escribir su mentira y escribe su ....................

Mandade as vosas contestacións á páxina de contacto da biblio (debaixo da foto de BIBLIOAPONTE, á dereita).

As tres primeiras persoas que acerten terán unpequeno agasallo na biblioteca.

Animádesvos?

O Clan do oso cavernario

2012-01-18T19:51:00.000+01:00

Esta é a recomendación lectora de Alda de 1º de Bac. A que nos presenta un libro ao que pronto lle daremos boa compaña, pois estamos pensando en mercar a saga enteira de "Los hijos de la Tierra" á que pertence este 1º libro do que nos fala esta alumna.

Ayla é unha nena Cro-Magnon de 5 anos quequeda soa no mundo tras o terremoto que fixo perecer a toda a súa tribo. Tras osuceso, vese obrigada a vagar soa, inexperta e indefensa polos bosques naprocura de alguén que a recolla e lle dea acubillo. Durante a súa procura, veseexposta a moitos perigos como as zarpas dun gran león cavernario, adeshidratación e inanición prolongadas. A piques xa de morrer, un grupo deNeanderthais atópaa e adóptana. Iza, a curandeira faise cargo dela como se foseunha filla do seu propio seo, coidándoa con agarimo e traspasándolle todos osseus coñecementos. Mog-ur, o mago e irmán de Iza, ve nela unha das marcas máispoderosas dos espíritos do Clan ademais dunha desenvoltura e axilidade mentalsorprendentes. Mais o resto do grupo non e capaz de ver máis aló da súa estrañaaparencia. As súas calidades, como a capacidade para falar de forma benarticulada e fluída ou a súa axilidade física, resultan tan diferentes eextraordinarias para O Clan que nunca acabaran de aceptala plenamente como unhamáis.

Recomendo este marabilloso libro que vos farápasar a moitos de vós un agradable anaco(longo, pois o libro dá para rato) nacompaña de Ayla, a cal lle colleredes moi pronto un especial afecto.

10 anos sen Cela

2012-01-17T09:00:00.000+01:00

Hoxe fanse dez anos dende que finou o noso último premio Nobel de Literatura, Camilo José Cela (Padrón, 11 de maio de 1916 – Madrid, 17 de xaneiro de 2002). Este autor galego ten a honra de ter a novela máis traducida despois do Quixote: La familia de Pascual Duarte, pero tamén a el se lle debe unha das mellores novelas do século XX: La Colmena, obra que describe maxistralmente unha sociedade nun Madrid nos primeiros anos do franquismo inmersa no medo e a amargura propia da época.

Como personaxe foi decididamente polémico e provocador, cínico e mediático, nos últimos tempos ata se dubida da autoría dalgúns do seus textos pero queda para a historia unha pluma de indubidable calidade e forza narrativa especialmente nos seus primeiros textos.

Deixamos aquí unha parte dunha interesantísima entrevista que se lle fixo a dous premios Nobel de tan diferente talante como son o portugués José Saramago e a Camilo J. Cela no ano 1999. Unha xoia.

GalApps: Toda a lingua no teu peto.

2012-01-15T14:05:00.000+01:00

Juan Porta, Sabela Barreiro e Xurxo Méndez, autores das GalApps para Android. César Quian

Acaba de nacer unha nova aplicación paraAndroid que consiste nun conxugador de verbos en galego, un dicionario e untradutor, todo “made in Galicia” por uns xoves enxeñeiros informáticos quetraballan na Universidade da Coruña e unha deseñadora gráfica licenciada en Belas Artes. Quen dixo que nonhai emprendedores na terra?

A T.I.A. de Ibáñez

2012-01-13T09:00:00.000+01:00

Supoñemos que o debuxante Francisco Ibáñez tenou tivo tías pero esta T.I.A. da que falamos é a axencia de “intelixencia” á que pertencen Mortadelo e Filemón. Vaivos soando o conto?Pois se hoxe falamos deste marabilloso artista é porque hai dous días que sacouun novo proxecto no que se rescatan as súas historias preferidas en 60 volumes. Como nestahumilde biblioteca non temos presuposto para tanto, ocorréusenos darllepublicidade aos 25 títulos que temos deste magnífico debuxante. Podedes consultar o catálogo AQUÍ.

Non deixedes tampouco de visitar a páxinaweb de Mortadelo e Filemón.

Estáchulísima !!!

Todo un mundo de ilusións

2012-01-11T19:46:00.001+01:00

Este artigo non ten nada que ver cos Reis Magos dos que falamos onte pero si sobre a maxia do cerebro e a súa forma de percibir os obxectos. Picade na foto de abaixo e entraredes nunha páxina web : El Mundo de la Ilusiones para vivir no mundo das ilusións ópticas... e tolear un pouquiño.

Mirade a imaxe durante un anaco. Que vedes?

Na biblio podedes atopar

Ilusiones ópticas. Las imágenes engañosas más espectaculares . ¡Verlo para creerlo!

Editorial Parragon

Novidades de Reis

2012-01-10T18:42:00.000+01:00

Os Reis Magos tamén chegaron á biblioteca do IES,neste caso cumprindo coas peticións máisrepetidas que nos atopamos na CAIXA DE SUXESTIÓNS DE COMPRA.

A estrela das suxestións foi :

Guinness WorldRecords 2012

Seguido das novelas de Charlein Harris daserie True Blood: El club de los muertos, Muerto para el mundo e Vivir y moriren Dallas.

Tampouco podía faltar outra das novelas máissolicitadas : Los pilares de la tierra, de Ken Follet.

E paranon deixar a ninguén sen petición cumprida, conseguíronnos tamén dousexemplares da famosa Novela de ajedrez,de Stefan Zweig.

O dito, son todo un luxo, estes Reis …

Tiching, nova rede educativa

2012-01-07T14:16:00.000+01:00

Presentámosvos TICHING, unha nova redeeducativa global na que se poden atopar todo tipo de contidos educativos,compartir información ou contactar con outras persoas dentro das diversas comunidades educativas. Tichingvai dirixido non só ao profesorado, senón tamén ao alumnado, aos pais e nais e mesmo aos pedagogos de calqueracentro e nivel educativo.

Para explorar os seus contidos pincha AQUÍ

Para ver o seu Blog pincha AQUÍ

Morre o intelectual Isaac Díaz Pardo

2012-01-05T12:31:00.000+01:00

Hoxe tivo lugar o pasamento dun dos intelectuais máis queridos e recoñecidos en Galicia: Isaac Díaz Pardo. O artista naceu en Compostela no ano 1920, fillo do tamén pintor Camilo Díaz Baliño que morreu fusilado nos albores da Guerra Civil polo que tivo que agocharse sendo moi novo. Anos máis tarde conseguiría cursar estudos de arte e máis ser profesor na Escola Superior de Belas Artes de Barcelona. Para o gran público é sumamente coñecido como o fundador da fábrica de Cerámicas do Castro ( en que fogar galego non hai unha peza de Sargadelos?) pero tamén puxo en marcha o museo Carlos Maside ou a editorial “Edicións do Castro”.

Como escritor de ensaio e crítica, destacan Xente do meu Rueiro, O ángulo de pedra, Galicia Hoy (xunto con Luís Seoane), Paco Pixiñas (con Celso Emilio Ferreiro), El Marqués de Sargadelos, Castelao, etc, ademais dunha morea de artigos en xornais.

Gran éxito da campaña de lectura de Nadal

2011-12-27T12:48:00.006+01:00

Queremos darlle as grazas a todas as persoas que fixeron posible esta bonita campaña de “agasallos” en forma de recomendacións lectoras (ao profesorado que se animou a participar, a toda a rapazada que pouquiño a pouco foi facendo medrar a ilusión dos regalos e a Marga, profesora do IES As Mariñas quen xentilmente nos prestou a idea .

Case chegamos aos 140 préstamos, o ano que vén iremos a polos 200!!!

FELICES LECTURAS.

"Quen poidera namorala"

2011-12-22T12:54:00.000+01:00

Hoxe o noso personaxe homenaxeado por excelencia- Don Álvaro Cunqueiro- cumpriría 100 anos e para celebralo que mellor cousa que a versión musical dun dos seus poemas máis coñecidos grazas a un médico e cantautor de Moraña, Luis Emilio Batallán, e que moitos dos profes recoñecemos como unha especie de banda sonora da nosa xuventude.

Para gozar.

(Cantiga nova que se chama Riveira, 1933. Álvaro Cunqueiro)

No niño novo do vento
hai unha pomba dourada,
meu amigo!
Quén poidera namorala!

Canta ao luar e ao mencer
en frauta de verde olivo.
Quén poidera namorala,
meu amigo!

Ten áers de frol recente,
cousas de recén casada,
meu amigo!
Quén poidera namorala!

Tamén ten sombra de sombra
e andar primeiro de río.
quén poidera namorala,
meu amigo!

Ano Cunqueiro (1911-2011)

2011-12-19T10:56:00.000+01:00

Con motivo da celebración do nacemento deste magnífico escritor galego teñen lugar en moitos lugares de Galicia sentidos homenaxes á súa figura literaria. Hoxe inauguramos a nosa pequena exposición na biblioteca que fai un percorrido pola biografía e polos diversos xéneros literarios que con tanta fortuna cultivou Don Álvaro Cunqueiro, así mesmo, os nosos alumnos de 2º de Bacharelato terán a ocasión de asistir a un evento no salón de actos da Fundación Eduardo Pondal no que o profesor César Morán realizará unha animación musical arredor da figura do escritor.

Gustaríanos tamén que lle botarades unha ollada a esta presentación realizada por Elvira Roiz e tomada da Biblioteca "Saturnino Hermida" do I.E.S. Concepción Arenal (Ferrol). Compartindo, coma sempre, que é moi san, esperamos que gocedes dela e que vos sexa útil.C

View more presentations or Upload your own.

A imaxe do día

2011-12-16T17:26:00.001+01:00

Na biblioteca calquera recuncho é bo para ler ou estudar no recreo...

Incluso debaixo da escaleira!!!!!

Graciñas, Rosalía!

2011-12-15T08:46:00.001+01:00

Di o refrán “quen sementa, recolle” . Na biblioteca do IES sentímonos orgullosos de presentarvos unha achega dunha antiga alumna, ROSALÍA REGUEIRO MÉNDEZ, licenciada en historia, quen xenerosamente regálanos un exemplar de “Vixiados. Represión e vixilancia na Galiza da Guerra Civil (1936-39), editado por Emilio Grandío. Precisamente, un dos capítulos desta obra:”Fichados. Un estudo de caso: O índice alfabético-onomástico de investigados-informados pola delegación de Orden Público ( A Coruña, 1938)” é froito da investigación levada a cabo por Rosalía ( e da que agardamos, nun futuro próximo, sexa o xermolo da súa tese de doutoramento).

Animámosvos a que lle botedes unha ollada ( se cadra, o profe de historia de España vos pregunta algo que veña nel…) e a que se sabedes dalgún/ha alumno/a que teña publicado algún traballo que o comparta con todos nós, que a biblioteca necesita libros pero , sobre todo, xente que se encariñe ( e que faga encariñar) cos(aos) libros.

Agora que imos cara o inverno, unha de exploradores.

2011-12-14T08:57:00.003+01:00

Roald Amundsen chega ao Polo Sur tal día como hoxe hai 100 anos. Así foi , o explorador noruegués Roald Engelbregt Gravning Amundsen (Borge, Noruega, 16 de xullo de 1872 - Mar de Barents, 18 de xuño de 1928) dirixiu unha expedición á Antártida en 1911 e alcanzou o Polo Sur por vez primeira o 14 de decembro aínda que non se soubo do seu achado ata un ano despois cando o equipo chegou a Australia (o fallo de non ter teléfonos móbiles). A famosa expedición viaxou nun navío chamado Fram e contou coa inestimable axuda de cans groenlandeses que facían o transporte de víveres e demais material do campamento.

En tempos de frío, por que non deleitarnos con algunha destas aventuras polares xunto cunha cunquiña de chocolate quente?

Desgraciadamente na biblioteca non contamos co libro escrito por Amundsen trala súa viaxe: El Polo Sur: un informe de la expedición antártica noruega en el "Fram", 1910-1912, pero si que contamos cun par de xoias que relatan aventuras similares:

Shackleton da editorial Geoplaneta e Con Scott al Polo, da editorial Planeta, ámbolos dous libros na sección de VIAXES (910).

Nova edición do X&Q

2011-12-12T10:01:00.003+01:00

Presentámosvos un novo número do boletín da biblioteca, o X&Q, no que vos damos puntual información sobre acontecementos culturais que se deron no noso país así como eventos que tiveron lugar no noso centro, recomendacións literarias, conmemoracións, concursos e moitas cousas máis. Se non fostes quen de facervos cunha copia, aquí tendes a versión virtual.

Open publication - Free publishing - More bobletin

Día dos Dereitos Humanos

2011-12-10T10:26:00.001+01:00

Baixo esta imaxe tedes a ligazón á páxina da ONU que fala do porqué da celebración deste día. Na nosa biblioteca queremos sumarnos a esta importante celebración cunha lista de recursos que vos poden ser interesantes:

125 Aniversario do nacemento do pintor Diego Rivera

2011-12-08T19:02:00.002+01:00

Tal día como hoxe nace en Guanajuato , México hai 125 anos o pintor e muralista Diego Rivera. Formado en distintos países europeos na época cubista, abandona esta corrente artística en aras dunha estética que estivera máis acorde cos ideais revolucionarios da súa patria . É por iso coñecido como autor de soberbios murais de temática social e tamén, co tempo, pola súa relación coa tamén famosa pintora mexicana Frida Kahlo.

Deixamos aquí un vídeo que mostra algunhas das súas mellores obras.

Campaña de lectura de Nadal: "Regáloche un libro"

2011-12-05T12:10:00.004+01:00

Tódolos anos rompémonos a cabeza para conseguir , non que vos acheguedes á biblio, que xa o facedes, senón que vos levedes algún título para casa nestas épocas de lecer: guías de lectura, profes pesadísimos que vos intentan comelo coco, exposicións… se cadra algún cae, pero... este ano encontramos a fórmula máxica: “REGALAR” libros da biblio!!!! Quen se pode resistir a tan sutil agasallo?

Lede as instrucións para facer un pouco máis feliz a quen máis vos apeteza: compañeir@s, profesores, pais ou nais… Tod@s merecen un anaquiño da vosa atención.

Ah! e grazas á biblioteca "As Mariñas" de Betanzos pola fantástica idea.

Open publication - Free publishing - More campana

NICANOR PARRA: Premio Cervantes 2011

2011-12-04T11:59:00.010+01:00

A voltas cos premios, estamos outra vez aquí para falar do máis alto galardón que se concede nas letras hispánicas: O Premio Cervantes. Nesta ocasión, e en paralelo co que sucede con José Luis Sampedro, trátase dun escritor cuxa profesión dista moito do que se podería esperar dun profesional das letras. Nicanor Parra Sandoval é un matemático e físico chileno de 97 anos e creador da antipoesía, fervente defensor do folklore do seu país e ecoloxista convencido. Pertence a unha saga de artistas e creadores, a súa irmá foi a famosa cantantautora Violeta Parra, e tanto os seu pais como os seus fillos están vencellados dalgún xeito ao mundo das artes.

Durante medio siglo

La poesía fue

El paraíso del tonto solemne.

Hasta que vine yo

Y me instalé con mi montaña rusa.

Suban, si les parece.

Claro que yo no respondo si bajan

Echando sangre por boca y narices.

No día Mundial contra a Sida, unha recomendación lectora.

2011-12-01T19:49:00.009+01:00

No día no que se nos lembra da importancia da prevención fronte esta terrible enfermidade, gustaríanos recomendarvos un libro: Futuro Imperfecto no que a autora, Xulia Alonso, nos describe unha tenra é á vez durísima historia da primeira xeración que foi engulida pola droga e que sufriu os envites da Sida nun tempo de absoluta ignorancia e empatía por parte da sociedade.

José Luis Sampedro, flamante Premio Nacional das Letras.

2011-11-30T21:29:00.004+01:00

José Luis Sampedro é un economista de case 95 anos que caeu nas redes da escritura xa maduro pero con paso firme. É autor de non moitas novelas pero cunha traxectoria literaria de peso que realmente deixa pegada en quen o le e que, por fin, recoñecen con este tan grande premio.

Sampedro é o autor de deliciosas obras como La sonrisa etrusca , Octubre, Octubre o El amante lesbiano, pero tamén de moitos textos e artigos de economía ou de carácter social. Ultimamente puidémolo ver como prologuista do libro Indignaos! ou como un dos escritores da obra colectiva Reacciona!, unha especie de reflexión ante toda a problemática social e económica que se está a dar na nosa sociedade nestes momentos de crise.

Na biblioteca tamén lemos a Sampedro.

Curtas contra a violencia de xénero

2011-11-27T13:23:00.009+01:00

Realmente foron unhas semanas moi atarefadas para o noso alumnado e a culminación do seu esforzo son estes vídeos que intentan aportar un grao de area para a concienciación fronte a lacra da violencia machista ou a discriminación sexual no traballo.
O primeiro vídeo amosa unhas curtas elaboradas integramente polos alumnos e alumnas de 3ºPDC, 4º PDC e o PCPI nas súas clases de ámbito lingüístico e baixo a coordinación da biblioteca.
O segundo traballo é unha gravación de spots froito da colaboración da Secretaría Xeral de Igualdade, do concello de Ponteceso e do instituto.
Non pode haber dúbida algunha de que no noso centro a loita contra a violencia sexista e pola igualdade non fixo máis que empezar.

Mochilas Viaxeiras

2011-11-26T12:34:00.000+01:00

As Mochilas Viaxeiras do IES PONTECESO xa están preparadas para comezar a súa viaxe polo concello...

Esta iniciativa vai dirixida cara ó alumnado e a súas familias*. Nas mochilas atoparedes contidos variados, que estamos seguros ides desfrutar (libros, cómics, cedés e películas).

Animádevos a coller unha e non esquezades deixar a vosa opinión ou suxerencia nos cadernos que van dentro delas.

*Para unha información máis detallada podedes ler este díptico feito polas Bibliotecas Escolares de Galicia: Díptico.

Contra a violencia de xénero: Cartel e pequena guía de lectura

2011-11-22T20:33:00.004+01:00

Todos os "días internacionais de..." foron creados coa intención de facernos lembrar os nosos dereitos, de que non esquezamos as nosas responsabilidades, de animarnos a ser máis cívicos, máis humanos... Si hai un día que non debemos esquecer é precisamente este. Concienciémonos, tamén coa lectura.

Open publication - Free publishing

Contra a violencia de xénero

2011-11-20T13:59:00.000+01:00

Open publication - Free publishing - More cartel

BIBLIOTECA DE OUTONO: Formación de Usuarios e Samaín

2011-11-17T18:26:00.009+01:00

A biblioteca vestiuse de outono cun par de estupendas actividades : celebramos o Día Internacional das Bibliotecas Escolares cunhas sesións de Formación de Usuarios/as para os alumnos de 1º de ESO e un arrepiante concurso de lendas de Samaín que rematou nunha rolda de lecturas dalgúns dos autores dos pavorosos contos.

Velaquí tedes a proba.

BIBLIOTECAS ESCOLARES GALEGAS

2011-11-17T18:17:00.003+01:00

Presentamos aquí un vídeo rodado en centros do Plan de Mellora de Bibliotecas Escolares, e no que tivemos a fortuna de participar. Presentouse ante delegacións de varias comunidades autónomas de todo o país no Congreso de Bibliotecas Escolares en Tránsito (BET) celebrado en Santiago de Compostela a semana pasada e da exemplo do traballo ben feito nas bibliotecas escolares de Galicia.

Un motivo máis para seguir traballando.

Biibliotecas Escolares en Tránsito [GAL] from Bibliotecas Escolares de Galicia on Vimeo.

Un conxugador??

2011-11-15T21:00:00.003+01:00

Pois si.
Como se di a terceira persoa do pretérito imperfecto do indicativo do verbo “dicir”?
Non tes máis que usar esta ferramenta que te axuda a utilizar con corrección todos os verbos galegos.
Grazas as compañeiras do Plambe por compartir esta ligazón.

Tamén en castelán. Moi útil!!!!

III Premio de Divulgación Científica Ángel Carracedo

2011-11-06T12:00:00.003+01:00

Un ano máis a biblioteca colabora cos diversos departamentos de ciencias: matemáticas, tecnoloxía, física e química e ciencias naturais na divulgación e posta en marcha deste concurso de divungación do que aquí tendes as bases:

Open publication - Free publishing

II DÍA DA CIENCIA EN GALEGO

2011-11-03T18:44:00.012+01:00

Por segundo ano consecutivo celébrase o 4 de novembro o DÍA DA CIENCIA EN GALEGO para darlle un pulo ás actividades científicas e aos textos divulgativos publicados na nosa lingua. A contribución da nosa biblioteca constará nunha pequena exposición das obras coas que contamos na biblio , flanqueada por unha cadea de ADN elaborada polos alumnos de 1º de ESO.

Este ano celébrase o ano Internacional da Química, coincidindo co centenario do outorgamento do Premio Nobel de Química a Marie Curie polo que este día da Ciencia en Galego está dedicado a tan ilustre muller así como a insigne matemática galega María Wonenburguer.

LECTURAS DE MEDO

2011-10-27T17:54:00.005+02:00

Presentámosvos esta pequena guía de lecturas para pasar estes días de lecer, pero se realmente queredes pasar medo achegádevos á biblioteca mañá no recreo e veredes o que é bo… ou malísimo…

Open publication - Free publishing - More guia

DÍA INTERNACIONAL DAS BIBLIOTECAS ESCOLARES

2011-10-23T13:50:00.004+02:00

Como cada ano a nosa biblioteca celebra este día coa cabeza posta en todas as actividades que queremos realizar para facer da nosa biblio un verdadeiro espazo cultural , integrador e gozoso, por que non.

A consellería de educación facilitounos este cartaz que tedes á esquerda e feito pola ilustradora Emma Ríos que interpreta o lema proposto, Biblioteca escolar, última xeración e que coidamos que representa á perfeción o que é o espírito do noso traballo nela.

Este mércores 26 faremos a presentación oficial aos rapaces de 1º de ESO cos que realizaremos unha sesión de FORMACIÓN DE USUARIOS a través dunha presentación en Power Point elaborada pola biblioteca e un feixe de xogos para comprobar o grao de aprendizaxe e destreza na busca de información.

SO LONG, MR. COHEN

2011-10-20T19:57:00.007+02:00

Leonard Cohen , escritor e cantautor canadense , recibirá mañá en Oviedo o “Principe de Asturias” das Letras pola súa longa traxectoria principalmente como poeta e cantante.
Cohen,” o home que non sabe cantar”, como moitas veces se dixo del, influíu en varias xeracións coas súas metafóricas letras e música repousada, difundiu mundialmente a obra de Federico García Lorca ( poeta ao que comezou a ler cando tiña 15 anos) e cantoulle coa súa voz grave ao amor e á relixión , á vida en definitiva.
Cancións como Suzanne , Famous Blue Raincoat ou So Long, Marianne son algunhas das súas cancións máis recoñecidas e que podedes gozar no CD de grandes éxitos que temos na biblioteca.
Así que, So long, Mr. Cohen… Esperamos velo pronto, outra vez.

Presentación club de lectura

2011-10-16T12:42:00.003+02:00

Todo un éxito, como xa vén sendo habitual, a presentación dos clubs de lectura no instituto. Parece que isto de alimentar o corpo e a mente éche moi efectivo .

Gozade do vídeo

SAMAÍN 2011

2011-10-13T19:49:00.012+02:00

I CONCURSO DE LENDAS

DA NOITE DE SAMAÍN

Achégase o tempo do medo, o tempo das cabazas, das historias de mortos, e das pantasmas . Un ano máis no instituto convocámosvos a unha oportunidade única de facernos tremer …e rir.
Lede as bases e deixádevos levar pola imaxinación para facernos pasar un mal rato.

Premios arrepiantes!!!!

CONCURSO DE LENDAS CON ILUSTRACIÓNS SOBRE O SAMAÍN

“Chocolatada” arredor dos libros

2011-10-06T19:01:00.002+02:00

Un ano máis o club de lectura LIBRO DE PETO do IES Ponteceso, convócavos á primeira reunión arredor dunha cunca quentiña de chocolate , unhas cantas pastas e moitas ideas para ler neste curso.

Como é xa habitual formaremos tres grupos de avezados lectores: Os de 1º e 2º de ESO, os de 3º e 4º e, por último , os Bacharelatos e aínda que o ano pasado lles puxemos nomes, e incluso logos, estamos abertos a calquera tipo de cambios, suxestións, ideas …

Queremos ler, pasalo ben e compartir, así que esperámosvos o vindeiro 14 de outubro no recreo e na biblioteca.

Feliz chocolatada e… boas lecturas!!!

NOVA REVISTA: "CÓMO FUNCIONA?"

2011-10-04T19:43:00.003+02:00

Unha nova adquisición da biblioteca é esta interesantísima revista que abarca varios campos como a ciencia, a historia, a natureza, a tecnoloxía, o espazo ou os diversos medios de transporte. Inclúe magníficos diagramas e imaxes para entender o mundo que nos rodea dun xeito ameno . Esperamos que gocedes dela e como di o seu slogan : Esta é a revista que alimenta a túa mente!

Música para os recordos

2011-09-29T21:11:00.007+02:00

Este sábado 1 de outubro a UNESCO conmemora "World day of Young Music".
Pola outra banda, hai poucos días, o 21 de setembro, celebrouse o "Día Mundial do Alzheimer", enfermidade que vai borrando os recordos das persoas... Ademais, cómpre engadir que este ano 2011 estase a adicar ó "Ano da investigación no Alzheimer".

O documental As voces da memoria axunta estes dous temas tan especiais. Emitido pola 2 de televisión, a cargo do prestixioso programa Documentos TV, trata do poder curativo da música en persoas que sufren a enfermidade e narra as actividades musicais que realizan, entre elas a práctica do canto nun coro. Fermoso e conmovedor, sen dúbida algunha, paga moito a pena velo.

UN SOL DE LIBROS

2011-09-22T19:15:00.006+02:00

Nos soles colocados estratexicamente no corredor que da entrada á biblioteca e na entrada principal do centro invitámosvos a compartir con nós os títulos dos libros que lestes no verán e que máis vos gustaron. Queremos así “abrir boca” neste curso que vai estar cheo de novidades e no que queremos a vosa inestimable axuda con pequenos detalles coma este. Entre os participantes faremos un SORTEO dun pequeno agasallo de benvida.

FOMENTO DA LECTURA: Unha boa e unha mala nova.

2011-09-17T16:27:00.006+02:00

Para ir abrindo boca agora que comeza o curso.
Un pequeno consello para empezar a ler: non perdas tempo.

AS BIBLIOTECAS GALEGAS DESPIDEN A Mª DOLORES

2011-09-15T10:11:00.003+02:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares



Imaxe das ligazóns: Rapaza lendo. Gustav Adolf Hennig

BENVIDOS e BENVIDAS AO NOVO CURSO, Á UNHA NOVA AVENTURA ARREDOR DOS LIBROS

2011-09-11T12:59:00.007+02:00

Xa estamos aquí dispostos a pór en marcha unha nova aventura arredor dos libros e da cultura. Este ano temos pensadas moitas novidades pero para iso necesitamos a vosa inestimable axuda, tanto de profes como de alumnos.

Iniciamos anunciándovos que xa temos a nova Convocatoria de Clubs de Lectura para este curso 2011/12. Así que os profes nos temos que “poñer as pilas” e os rapaces xa podedes ir pensando nesta nova aventura que comeza este curso. Non vos defraudará.

Queremos así mesmo facer mención a unha compañeira recentemente falecida: Mª Dolores, responsable da biblioteca do IES Luis Seoane de Pontevedra, e incansable traballadora neste o noso pequeno planeta das bibliotecas. Descanse en paz.

VIÑETAS DESDE O ATLÁNTICO

2011-08-08T18:42:00.009+02:00

"Viñetas desde o Atlántico" é o nome que recibe o salón do cómic que dende o ano 1998 ten lugar na cidade da Coruña. Esta é a segunda cita reservada ao mundo da lectura no mes de agosto despois da exitosa feira do libro que está a piques de rematar ( se aínda non tivestes tempo de achegarvos, quédanvos 2 días). Nesta ocasión a banda deseñada toma a cidade en forma de superheroes empolicados en diferentes monumentos da cidade e no Kiosko Alfonso, como xa é tradicional amósasenos unha interesante selección que vai dende cómics vellos ata o mellor que se publica hoxe en día. O debuxante invitado esta vez é o ourensán David Rubín, por unha vez profeta na súa terra.

Paga a pena gozar desta exhibición que estará aberta ata o 15 deste mes.

A maleta de Sofia

2011-06-29T19:05:00.003+02:00

Hoxe martes 28 de xuño ten lugar a estrea da longametraxe "A maleta de Sofía", unha película de Marcos Gallego, arredor da figura de Sofía Casanova, escritora e periodista de guerra na convulsa época de principios do século XX. Deixamos aquí o enlace ao tráiler e comentarios sobre tan sobranceira e descoñecida figura literaria que merece estar ao carón de escritoras como Rosalía de Castro , Emilia Pardo Bazán ou Concepción Arenal .

Que ler no verán

2011-06-20T19:54:00.007+02:00

Presentamos aquí as quías de lectura para este verán. Tanto si estás estudando a ESO como si es de Bacharelato, aquí atoparás suxestións refrescantes para este verán.
Mergúllate na lectura connosco!!!!!

Open publication - Free publishing - More lecturas

Chimamanda Ngozi Adichie

2011-06-15T19:29:00.007+02:00

O día 16 de xuño celébrase o Día do Neno Africano, que non é máis que outra oportunidade na que un organismo como UNICEF nos pon diante para exercer unha reflexión máis que necesaria nos tempos que vivimos.

Esta reflexión sírvenos nin máis nin menos como unha boa escusa para presentarvos a unha escritora nixeriana de nome impronunciable : Chimamanda Ngozi Adichie e un dos seus máis fermosos e cruentos libros Medio Sol Amarillo no que conta a través de diversos personaxes a traxedia da guerra de Biafra en Nixeria nos anos sesenta e como a poboación viuse enfrontada á fame que levan as guerras e a tremendas masacres entre diferentes etnias. Sempre a mesma historia.

Acompañamos este artigo cun vídeo dunha das conferencias que a escritora da polo mundo para falar do que mellor sabe facer: contar historias, e como esas historias ás veces non se entenden ben pola cor das persoas que as escriben. Toda unha xoia.

GALEGOBOOK: Unha nova ferramenta.

2011-06-09T18:31:00.006+02:00

Nace GALEGOBOOK un proxecto sen ánimo de lucro que pretende ser un espazo onde publicar, compartir e conversar sobre un gran número de libros electrónicos que circulan pola rede sobre lingua (gramática, fonética, sociolingüística, manuais, terminoloxía...)

Este novo recurso pretende dar accesibilidade aos textos que se publican arredor da lingua galega e que posúen versión electrónica (pdf ou en pub).

Para facilitar a procura de material, o Galegobook conta tamén cun índice por autoría e por título.

Na actualidade, o blog está en fase de construción, polo que aínda non están referenciadas moitas das obras dispoñibles na rede. Con todo, conta xa con 114 documentos para descargar.

Tamén o proxecto inclúe unha páxina de Facebook onde compartir, comentar e contribuír ao proxecto

Día Mundial do Medio Ambiente

2011-06-05T22:17:00.003+02:00

Esta conmemoración é unha das ferrametas máis útiles que teñen en Nacións Unidas para sensibilizar á comunidade internacional sobre o medio ambiente.
Deixámosvos aquí un par de enlaces interesantes para que vexades como se traballa o tema dende o organismo internacional:
- A ONU traballa para o medio ambiente
-Atlas dos océanos ( aínda que está en inglés paga a pena botarlle unha ollada). O día 8 deste mesmo mes celébrase o Día dos Océanos.

Aniversario do actor e director CLINT EASTWOOD

2011-05-30T20:31:00.006+02:00

Mañá 31 de maio cumpre anos este magnífico actor e realizador estadounidense nado en 1930 . Queremos en certo modo homenaxealo non pola súa impecable carreira cinematográfica (entre outras cousas púxolle cara ao peculiar xénero de películas de vaqueiros coñecido popularmente como “spaguetti western”ou á saga de Harry o Sucio ), senón pola súa extraordinaria faceta de director que leva dándolle prestixio dende hai uns 30 anos. Desa última faceta de director contamos con 5 títulos nesta biblioteca que cremos que paga a pena ver, e de paso , dámoslle os nosos parabéns ao Sr. Eastwood.

Recoméndoche un libro

2011-05-29T15:29:00.004+02:00

Seguindo o ronsel do Día do Libro, algunhas das nosas alumnas - e tamén profesores -quixeron agasallarnos coas súas recomendacións lectoras. Falamos moito de libros eses días pero só uns poucos valentes foron quen de poñerse diante das nosas cámaras . Bravo por todos eles. Velaquí as súas magníficas explicacións.

2011 ano da música en Galicia

2011-05-29T11:02:00.003+02:00

 Este ano a Xunta conmemora o 2011 coma "Ano da Música", cunha chea de festivais e concertos ó longo de toda Galicia. Tamén vaise a celebrar en decembro a primeira edición dos Premios da Música Galega.

Curiosamente no noso instituto por diferentes razóns organizáronse unhas actuacións músicais realmente boas dende diferentes departamentos. Dalgún xeito, este ano a música no IES PONTECESO ocupou un lugar privilexiado, tamén.

Os dous concertos salientaron pola súa calidade musical e tiveron ademais algo máis en común, o tipo de agrupación. Ambas as dúas, eran un dúo formado de voz principal feminina e acompañada de guitarra, tocada por un home

O primeiro concerto tivo lugar na semana cultural o día 15 de marzo, organizado polo departamento de inglés,  a cargo de "Escuchando Elefantes", un grupo que enche as rúas de A Coruña de boa música, con versións moi personais de grandes temas da música popular urbana

O segundo concerto organizado polo departamento de galego, aconteceu o xoves 26 de maio con motivo das Letras Galegas. Tivemos a gran sorte de escoitar a Uxía Pedreira e a Fred Martins que nos deleitaron cunha música fresca e alegre "lendo xuntos a bossa nova" ;)

MÚSICAS LOISPEREIRIANAS

2011-05-29T09:00:00.000+02:00

1 John Cage. Sonata IV para piano preparado

Tim Ovens interpreta a John Cage.

2 Intonarumori

The futurist Intonarumori by Russolo-2

3 Ondas Martenot

Les Ondes Martenot, improvistacion par Monique Pierrot

4 Erik Satie. Gnossienne Nº 1

5 Sex Pilstols. God Save the Queen

6 Joy Division. Atmosphere

7 Leonard Cohen. Suzanne

8 Parálisis Permanente- Autosuficiencia

O noso compañeiro de galego, Diego, suxeriunos este "menú" musical relacionado coa obra de Lois Pereiro