NOVO BLOG

Ola! Na biblioteca do IES Eduardo Pondal de Ponteceso temos novo blog, deixámosvos aquí o enlace!
Agardamos que vos guste!

https://artellandonabiblio.blogspot.com/

DÍA DA PAZ: CONCURSO "QUEN É QUEN"

QUEN É QUEN?

Concurso do DíA DA PAZ

Durante a semana pasada o alumnado participante do concurso encargouse de descubrir o nome correspondente ás 20 fotografías expostas no vestíbulo do noso instituto  e o motivo polo que acadou recoñecemento internacional cada unha desas persoas; e o máis importante: quen dixo cada unha das 20 frases SOBRE A PAZ que alí figuraban.

Hoxe foi a entrega de premios na biblioteca. Dous equipos empataron no primeiro posto e outro quedou en segunda posición (polos pelos). E ti? sabelas todas?

Velaquí as FOTOS:

A exposición

Os dous equipos do 1º premio

O equipo gañador do 2º premio

Foto conxunta

LECTURAS PARA O NADAL

A BIBLIOTECA DO IES PONTECESO DESÉXAVOS

FELIZ 2017

Tarxeta gañadora do concurso

Clara Mª Gacio Español (1º A ESO)

Collage, orixinal exposto na biblioteca

LECTURAS E FILMES PARA O VERÁN

O CURSO XA ESTÁ A REMATAR E AQUÍ VOS DEIXAMOS UNHAS CANTAS RECOMENDACIÓNS LITERARIAS E DE CINE!!!!

X&Q XUÑO 2015

CONCURSO DO DÍA DAS LETRAS GALEGAS

CONCURSO DÍA DAS

LETRAS GALEGAS

Co gallo da celebración do Día das Letras Galegas o EDNL e a Biblioteca organizan un concurso sobre a figura de Xosé Filgueira Valverde. Dito concurso celebrarase en directo nos recreos do luns 18 de maio e martes 19 de maio. Podédesvos apuntar en grupos de tres e catro persoas.

 HABERÁ TRES GRANDES PREMIOS

DÍA DO LIBRO (LIBROS DE ARTISTA)

Aquí vos deixamos un video no que podedes observar o traballo feito polos alumnos de 4º de ESO na materia de Educación Plástica e Visual. Como podedes comprobar os libros convertéronse en obras de arte. Son uns fermosos libros de artista. Se os queredes ver e tocar vide a biblioteca. Estarán expostos ata o Día das Letras Galegas.

MERCADO DE LIBROS 

DE SEGUNDA MAN

Co gallo da celebración do Día do Libro a Biblioteca do IES PONTECESO organiza un mercado de libros de segunda man. Estades todos invitados a participar tanto na compra como na doazón de libros. O mercado celebrarase desde o 23 de abril ata o 15 de maio. 

Estades todos invitados a participar xa sexa comprando ou doando libros!!!

A recadación do mercado de libros será doada a unha ONG.

XV SEMANA CULTURAL

E alá se nos foi a XV Semana Cultural, pero xa está máis próxima a seguinte. Deixámosvos algunhas fotos das diferentes actividades que se levaron a cabo.

XV SEMANA CULTURAL DO IES PONTECESO

E no 2015 chegamos a edición número XV da Semana Cultura do IES PONTECESO. Desde hoxe, 7 de abril, ata o 10 dese mesmo mes no noso instituto celebraranse multitude de actividades: conferencias, charlas, concertos, obradoiros, representación de obras de teatro e un longo ectéctera. Xa sabedes gozade con este maremoto de cultura e diversión!!!!

VIII CERTAME DE CREACIÓN LITERARIA DO IES PONTECESO

O EDNL convoca o VIII Certame de Creación Literaria do IES PONTECESO

Xa sabedes, animádevos a participar!!!!

AS VACACIÓNS ESTÁN AQUÍ

PARECE QUE FOI ONTE CANDO EMPEZABA O CURSO E XA ESTAMOS A PIQUES DE REMATAR O TRIMESTRE. DESDE A BIBLIOTECA DO IES DE PONTECESO QUEREMOS DESEXARVOS UNHAS BOAS VACACIÓNS E FELIZ 2015!!!!!!

NOVA UBICACIÓN DOS CÓMICS NA BIBLIOTECA

Desde o equipo da Biblioteca decidimos darlle unha nova ubicación a sección de cómics. Agora está preto da entrada, nunha zona máis visible. Xa sabedes, a por esas historietas cheas de humor e fantasía!!!

CONCURSO DE SOBREMESAS DE OUTONO

E chegou o frío e a chuvia, as follas aloumiñando o chan do outono. E tamén chegou o MAGOSTO ao noso instituto. Por iso, como cada ano, organizamos en colaboración co EDNL o CONCURSO DE SOBREMESAS DE OUTONO. Podedes participar neste certame lambón cociñando sobremesas con produtos outonais (castaña, noces, mel , marmelo...). O venres 14 entregaranse as receitas á primeira hora. Lembrádevos de entregar por escrito (en galego) a nota onde se indican os ingredientes que entran na elaboración da sobremesa e a maneira de preparalo.

CLUB DE LECTURA 2014-2015

E teimamos como cada ano no Club de Lectura. Por iso este mércores 1 de outubro organizamos a reunión inicial para captar aos nosos intrépidos aventureiros da lectura. Estades todos e todas invitados a este encontro, no que ademais de falar de libros aproveitaremos para saborear un ben delicioso chocolate. 

Que aproveite!!!!

BENVIDOS AO NOVO CURSO

E aquí estamos como cada mediados de setembro, iniciando unha nova travesía. Desde a Biblioteca queremos darvos a benvida e invitarvos a colaborar, xogar, participar, gozar... nas múltiples actividades que organizaremos ao longo do curso que estamos a piques de estrear. 

E por iso izamos as velas dos noso barco e poñemos rumbo a unha viaxe na que a lectura será o noso destino e refuxio.

QUEREDES PARTICIPAR NESTA AVENTURA?

DIVULGACIÓN CIENTÍFICA

Aquí aparece o traballo feito pola profesora Isabel Segura na materia de CIMUCO. Noraboa pola divulgación científica que fai e polo enorme traballo do seu alumnado

CONCURSO DÍA DOS NAMORADOS

Aquí tedes as flamantes gañadoras do Concurso do Día dos Namorados. Son Laura Rey Calvo (1º ESO B) e Hilda Romero Velo (3º ESO A). Parabéns polas súas orixinais e románticas cartas de amor. 

Aí as tedes o día da entrega dos premios.

DÍA DA PAZ

 HOXE CELEBRAMOS O DÍA DA PAZ NA ESCOLA E PENSAMOS QUE ESTE ANO NADA MELLOR QUE DEDICARLLO A UNHA FIGURA FUNDAMENTAL E XA MÍTICA NA LOITA POLOS DEREITOS HUMANOS E POLA PAZ

Nelson Rolihlahla mandela

Unha vida de loita pola igualdade, a dignidade e a liberdade

O 5 de decembro de 2013 morría Nelson Mandela, o primeiro presidente negro dunha Suráfrica libre do rexime racista do Apartheid. Mandela foi un loitador dende a súa xuventude que reclamou a igualdade de dereitos para todas e todos os surafricanos, independentemente da cor da súa pel. 

Pagou un alto prezo, 36 anos no cárcere, moitos deles no penal de Robben Island, pero non se dobregou e finalmente o goberno racista de Pretoria tivo que ceder e, tras liberalo, convocar eleccións libres que Mandela, á fronte do Congreso Nacional Africano, gañou.

Deste xeito convertíuse no presidente que había rematar co sistema do Apartheid, dotando a Suráfrica dun sistema igualitario onde a cor da pel non significase diferencia de dereitos.