21 de marzo:Día da Poesía

Co gallo do Día Mundial da Poesía a nosa biblioteca quere conmemorar o nacemento dun dos mellores poetas que tivemos no panorama nacional, o enxeñeiro e escritor Gabriel Celaya (Hernani, 1911 - Madrid, 1991) autor que defendía unha poesía en ningún caso elitista, ao servicio das maiorías "para transformar o mundo".

Ofrecémosvos un fermoso vídeo dun dos seus poemas musicado por Paco Ibáñez e cantado por un emocionaste Joan Manuel Serrat: LA POESÍA ES UN ARMA CARGADA DE FUTURO.

Preguntas da 1º semana do maratón cultural do IES PONTECESO

Xa chegaron as esperadas preguntas...
PREGUNTAS DA 1ª SEMANA DO MARATÓN CULTURAL

MARATÓN CULTURAL

Xa empeza a conta atrás para o mágnífico Maratón Cultural organizado pola biblioteca.O concurso comezará o día 14 de marzo coincidindo coa Semana Cultural do instituto e rematará 4 semanas despois. Por se non vos chegou a información aquí tedes as bases.
A que estades esperando?
APUNTÁDEVOS NA BIBLIOTECA!!!!

maratón cultural

Concurso de marcapáxinas,exposición e premiados

Noraboa a todos os participantes!!!. Aínda que había moi bos traballos, desgraciadamente non podemos premiar a todos, pero pasámolo moi ben e agardamos que vós tamén intentando namorarnos coas vosas enxeñosas propostas.

Aquí tedes as fotos da exposición e dos gañadores.

NAMÓRAME: Concurso de "marcapáxinas"

Un ano máis recibimos o Día dos Namorados cunha idea orixinal: queremos decorar a biblioteca cunha chuvia de "marcapáxinas" que leven unha mensaxe de amor.
Ti tamén podes namorarnos coa túa proposta. Velaiquí tes as BASES do concurso.
namórame

30 de xaneiro: Día da Paz

Con motivo do día da paz o noso centro quere aportar un pequeno gran de area cunha exposición dos libros máis relevantes cos que contamos entre os nosos fondos relacionados co tema xunto cunhas breves recensións sobre eles para intentar concienciar á nosa comunidade da importancia que un mundo en paz ten para o normal desenvolvemento da nosa sociedade.
Celebramos este acontecemento o día no que un dos maiores pacifistas do mundo Mahatma Gandhi foi asasinado por un fanático hinduísta. Acompañamos este texto cun vídeo que o Seminario Galego de Educación para a Paz fixo para celebrar o seu 25 aniversario no 2010 e unha curta de ficción “POR NADA” premiada en moitos festivais sobre o tan importante tema do “ciberacoso” .

A gran verdade sobre os Reis Magos...

Os olores de nadal: PREMIOS

Velaiquí tedes as fotos cos premiados polas espléndidas descricións que realmente nos transportaron aos arrecendos destas datas. Mariña Abella de 2º Bac. co seu fermoso conto, Ángel Blanco de 1º da ESO coa súa simpática rima, Dina Souto de 1º de Bac coa súa tenra descrición e todos os rapaces e rapazas que axudaron a construír unha árbore tan olorosa fixéronnos un pouco máis felices.

Un rato de biblioteca moi especial

A falta de recursos realmente aguza o enxeño, e este vídeo é unha boa proba de como a cultura pode chegar a todas partes cunha pinga de solidaridade e intelixencia. Ver para crer.

OS OLORES DE NADAL

Axiña chega o Nadal , xa parece que arrecende a vieiras, ameixas, doces, polvoróns ou a ese asado que tan ben lle sae a mamá-ou a papá; se cadra o que ule é o papel de envolver os agasallos, ou o viño que caeu no mantel, ou a cera das candeas que poñemos para decorar a mesa. Non sei, ¿por que non nolo contas?. Na biblioteca tamén queremos ser parte desta festa e queremos que nos adornes a nosa particular árbore de Nadal. ven á biblio, colle unha bola de papel e segue as insrucións que aquí tes. A escribir e... moita sorte.
Os Olores de Nadal