Como cada ano a nosa biblioteca celebra este día coa cabeza posta en todas as actividades que queremos realizar para facer da nosa biblio un verdadeiro espazo cultural , integrador e gozoso, por que non.
A consellería de educación facilitounos este cartaz que tedes á esquerda e feito pola ilustradora Emma Ríos que interpreta o lema proposto, Biblioteca escolar, última xeración e que coidamos que representa á perfeción o que é o espírito do noso traballo nela.
Este mércores 26 faremos a presentación oficial aos rapaces de 1º de ESO cos que realizaremos unha sesión de FORMACIÓN DE USUARIOS a través dunha presentación en Power Point elaborada pola biblioteca e un feixe de xogos para comprobar o grao de aprendizaxe e destreza na busca de información.
Ningún comentario:
Publicar un comentario