Axenda cultural do IES Ponteceso

Axenda cultural do IES de Ponteceso

Benvidos ao noso blog co que intentaremos achegarvos á actividade cultural dende o noso centro.

mércores, 18 de xaneiro de 2012

O Clan do oso cavernario


Esta é a recomendación lectora de Alda de 1º de Bac. A que nos presenta un libro ao que pronto lle daremos boa compaña, pois estamos pensando en mercar a saga enteira de "Los hijos de la Tierra" á que pertence este 1º libro do que nos fala esta alumna.
Ayla é unha nena Cro-Magnon de 5 anos que queda soa no mundo tras o terremoto que fixo perecer a toda a súa tribo. Tras o suceso, vese obrigada a vagar soa, inexperta e indefensa polos bosques na procura de alguén que a recolla e lle dea acubillo. Durante a súa procura, vese exposta a moitos perigos como as zarpas dun gran león cavernario, a deshidratación e inanición prolongadas. A piques xa de morrer, un grupo de Neanderthais atópaa e adóptana. Iza, a curandeira faise cargo dela como se fose unha filla do seu propio seo, coidándoa con agarimo e traspasándolle todos os seus coñecementos. Mog-ur, o mago e irmán de Iza, ve nela unha das marcas máis poderosas dos espíritos do Clan ademais dunha desenvoltura e axilidade mental sorprendentes. Mais o resto do grupo non e capaz de ver máis aló da súa estraña aparencia. As súas calidades, como a capacidade para falar de forma ben articulada e fluída ou a súa axilidade física, resultan tan diferentes e extraordinarias para O Clan que nunca acabaran de aceptala plenamente como unha máis.
Recomendo este marabilloso libro que vos fará pasar a moitos de vós un agradable anaco(longo, pois o libro dá para rato) na compaña de Ayla, a cal lle colleredes moi pronto un especial afecto.

1 comentario:

  1. Ola, son Kericolo, a administradora do blog Palabras e Mundos, vexo que me tedes agregada ó voso blog, para o meu é un privilexio que me sigades. Aqui tedes unha amiga para ou que necesitedes, vouvos agregar ou meu blog tamén para non perder nadiña do que facedes e falades. Se vos digo a verdade non leín ainda este libro, pero todo ou mundo fala marabillas do mesmo...téñoo apuntado á lista de libros para ler, bo agora déixovos. Un saúdo

    ResponderEliminar