Axenda cultural do IES Ponteceso

Axenda cultural do IES de Ponteceso

Benvidos ao noso blog co que intentaremos achegarvos á actividade cultural dende o noso centro.

venres, 19 de decembro de 2014

AS VACACIÓNS ESTÁN AQUÍ

PARECE QUE FOI ONTE CANDO EMPEZABA O CURSO E XA ESTAMOS A PIQUES DE REMATAR O TRIMESTRE. DESDE A BIBLIOTECA DO IES DE PONTECESO QUEREMOS DESEXARVOS UNHAS BOAS VACACIÓNS E FELIZ 2015!!!!!!


mércores, 12 de novembro de 2014

NOVA UBICACIÓN DOS CÓMICS NA BIBLIOTECA

Desde o equipo da Biblioteca decidimos darlle unha nova ubicación a sección de cómics. Agora está preto da entrada, nunha zona máis visible. Xa sabedes, a por esas historietas cheas de humor e fantasía!!!



venres, 7 de novembro de 2014

CONCURSO DE SOBREMESAS DE OUTONO

E chegou o frío e a chuvia, as follas aloumiñando o chan do outono. E tamén chegou o MAGOSTO ao noso instituto. Por iso, como cada ano, organizamos en colaboración co EDNL o CONCURSO DE SOBREMESAS DE OUTONO. Podedes participar neste certame lambón cociñando sobremesas con produtos outonais (castaña, noces, mel , marmelo...). O venres 14 entregaranse as receitas á primeira hora. Lembrádevos de entregar por escrito (en galego) a nota onde se indican os ingredientes que entran na elaboración da sobremesa e a maneira de preparalo.

domingo, 28 de setembro de 2014

CLUB DE LECTURA 2014-2015

E teimamos como cada ano no Club de Lectura. Por iso este mércores 1 de outubro organizamos a reunión inicial para captar aos nosos intrépidos aventureiros da lectura. Estades todos e todas invitados a este encontro, no que ademais de falar de libros aproveitaremos para saborear un ben delicioso chocolate. 

Que aproveite!!!!



martes, 16 de setembro de 2014

BENVIDOS AO NOVO CURSO


E aquí estamos como cada mediados de setembro, iniciando unha nova travesía. Desde a Biblioteca queremos darvos a benvida e invitarvos a colaborar, xogar, participar, gozar... nas múltiples actividades que organizaremos ao longo do curso que estamos a piques de estrear. 

E por iso izamos as velas dos noso barco e poñemos rumbo a unha viaxe na que a lectura será o noso destino e refuxio.

QUEREDES PARTICIPAR NESTA AVENTURA?


mércores, 25 de xuño de 2014

DIVULGACIÓN CIENTÍFICA

Aquí aparece o traballo feito pola profesora Isabel Segura na materia de CIMUCO. Noraboa pola divulgación científica que fai e polo enorme traballo do seu alumnado

martes, 18 de febreiro de 2014

CONCURSO DÍA DOS NAMORADOS




Aquí tedes as flamantes gañadoras do Concurso do Día dos Namorados. Son Laura Rey Calvo (1º ESO B) e Hilda Romero Velo (3º ESO A). Parabéns polas súas orixinais e románticas cartas de amor. 
Aí as tedes o día da entrega dos premios.


xoves, 30 de xaneiro de 2014

DÍA DA PAZ


 HOXE CELEBRAMOS O DÍA DA PAZ NA ESCOLA E PENSAMOS QUE ESTE ANO NADA MELLOR QUE DEDICARLLO A UNHA FIGURA FUNDAMENTAL E XA MÍTICA NA LOITA POLOS DEREITOS HUMANOS E POLA PAZ





Nelson Rolihlahla mandela


O 5 de decembro de 2013 morría Nelson Mandela, o primeiro presidente negro dunha Suráfrica libre do rexime racista do Apartheid. Mandela foi un loitador dende a súa xuventude que reclamou a igualdade de dereitos para todas e todos os surafricanos, independentemente da cor da súa pel. 
Pagou un alto prezo, 36 anos no cárcere, moitos deles no penal de Robben Island, pero non se dobregou e finalmente o goberno racista de Pretoria tivo que ceder e, tras liberalo, convocar eleccións libres que Mandela, á fronte do Congreso Nacional Africano, gañou.
Deste xeito convertíuse no presidente que había rematar co sistema do Apartheid, dotando a Suráfrica dun sistema igualitario onde a cor da pel non significase diferencia de dereitos.

luns, 27 de xaneiro de 2014

PREMIOS MINERVA 2014

O colexio Peleteiro, de Santiago, convoca os premios literarios Minerva 2014. Así que se tes menos de vinte anos, estudas 3º ou 4º de ESO, ou bacharelato, podes poñerte en marcha, agarrar lápis e papel e aparellar seis folios como máximo de narración, ou tres poemas, todo ilo de tema libre. Logo, mandas os froitos da túa inspiración á dirección que figura nas bases antes do 14 de marzo.


CONCURSO DE CARTAS DE AMOR E DESAMOR


CONCURSO DE CARTAS
DE AMOR
E DESAMOR

   

O EDNL e a Biblioteca, co gallo da celebración do Día dos Namorados,  organizan un Concurso de Cartas de Amor e Desamor. Haberá dúas categorías:


·    Categoría A: Alumnado de 1º, 2º e 3º de ESO.

·   Categoría B: Alumnado de 4º de ESO, BACH, CICLOS e ESA.

As cartas entregaranse na Biblioteca ata o luns día 10 de febreiro.

                     Haberá grandes premios!!

Animádevos e participade!!!

luns, 13 de xaneiro de 2014

NOVOS DISCOS NA BIBLIOTECA

Xa temos na Biblioteca unha nova formada de discos. Xa sabedes, vide a escoitalos ou levádeos en préstamo!!! Aquí vos deixamos algunha mostra!!!







mércores, 8 de xaneiro de 2014

Segundo Aniversario da morte de Isaac Díaz Pardo

O día 5 deste mes cumpríronse dous anos da morte dun dos galegos máis senlleiros das últimas décadas, Isaac Díaz Pardo. Aí tedes un vídeo que reflicte a súa loita e compromiso por Galicia.