Entrega de premios na biblioteca

A semana pasada aproveitamos a Semana Cultural do IES de Ponteceso para agasallar aos gañadores dos concursos organizados dende Biblioaponte. Parabéns a todos os participantes, especialmente a Hilda e Kiara gañadoras do Chío de Amor ; e a Álvaro, Bea, Alex, Rubén e Daniel, gañadores do concurso organizado por mor do Día da Paz.

Deseguido, agasallámosvos cos poemas gañadores.

•                   O chío de Kiara publicado na nosa páxina de Twitter @Biblioaponte

 Fúrasme os adentros coa túa dor, meu furonciño, 

quen puidese sandar ese tumor 

e gozar ca túa presenza na miña vida para sempre

•                      O chío de Hilda entregado na propia biblioteca:

Hoxe non podo, 

agora estou canso, 

unha mirada esquiva.

Un non me preguntes.

Van inzando o corazón de fendas

e deixando un cheiro a desamor.

Semana Cultural: Día 3

Xa imos collendo a recta final desta magnífica semana cultural e cada día máis sorprendidos da calidade e orixinalidade  das actividades.

No apartado de conferencias puidemos gozar hoxe dunha instrutiva charla a cargo do Lama VEN. GUESHE TENZIN TAMDING ,  doutor en Filosofía Budista que veu falar da súa formación e pensamento.

Outra sorpresa consistiu na animada experiencia que compartiu connosco a actriz e presentadora ISABEL RISCO, quen tamén nos falou dos seus comezos no mundo do teatro e como chegou ata a televisión de Galicia onde é moi recoñecida.

Moi útiles, sen dúbida, foron tamén as charlas ofrecidas por antigos alumnos do centro que son hoxe en día grandes profesionais nos campos da arquitectura, traballo social, historia, socioloxía, INEF ou da tradución.

En canto aos obradoiros, hoxe gozamos dun de son e gravación de maquetas, outro de fabricación de carteiras e libros, outro de músicas do mundo e , por último un de cociña en inglés que fixo que o corredor principal do instituto ulira a “cookies” e “Brownies” .

Deixámosvos aquí a reportaxe fotográfica na que como podedes ver rapaces e rapazas traballaron e gozaron por igual.  Como os “brownies”  do microondas tiveron tanto éxito, pedíronnos que deixáramos aquí  e tamén no blog de INGLÉS a receita. Así que si a facedes na casa esperamos que vos aproveite.

Ata mañá.

Aquí tedes a receita para os "BOWNIES DE MICROONDAS"/"MICROWAVE BROWNIES"

Entrega Premios MARATÓN CULTURAL

Aquí tendes a “proba do delito”, é dicir, por pasarse 4 semanas investigando estes rapaces e rapazas conseguiron o que se merecían que foi, nin máis nin menos,que uns cantos cartiños e uns vales para comprar material escolar nunha librería da zona.

Esperamos poder "castigarvos" tan duramente o ano que vén nunha nova edición do concurso.

Customize a slideshow design

Fotos das lecturas contra a violencia de xénero

Velaquí tedes as fotos das lecturas que o pasado 25 de novembro realizamos no corredor ao lado da biblioteca sobre este terrible tema. Queremos dar as grazas aos rapaces que participaron pola súa boa actuación e por contribuír á concienciación sobre esta lacra na nosa comunidade escolar. Grazas tamén aos que se achegaron a escoitar os relatos e aos que amosaron algún interés polos libros que formaron parte destas emotivas lecturas. Mantemos a esperanza de ter aportado un pequeno gran de area para que estas actitudes desaparezan da nosa sociedade.